أجدد أعمال المخرج "مارتن سكورسيزي" مستمر في جولته بين المهرجانات الدولية المختلفة.

بعد ما اتعرض في مهرجان نيويورك للأفلام 27 سبتمبر، وفي مهرجان لندن للأفلام 13 أكتوبر، تم اختيار فيلم "The Irishman" لعرضه في افتتاح مهرجان القاهرة السينمائي الدولي. في دورته الـ 41.

افتتاح مهرجان القاهرة هيكون في 20 نوفمبر 2019، وبكده بيكون ده العرض الأول للفيلم في منطقة الشرق الأوسط وجنوب أفريقيا. واللي هيكون قبل عرض الفيلم على منصة نتفليكس بأسبوع.

الأحداث بتدور عن قاتل محترف (فرانك شيران)، بيستعيد ذكريات تورطه في قتل صديق عمره (جيمي هوفا). الفيلم من بطولة: روبرت دينيرو – آل باتشينو – جوي بيسكي. وهيتم عرضه على منصة نتفليكس بتاريخ 27 نوفمبر 2019.