بيستعد الفنان أحمد حلمي لتصوير فيلمه الجديد "إكس" -وده اسم مبدئي- بعد عيد الأضحى، بعد غياب حوالي 3 سنين عن تقديم أي عمل فني. "حلمي" بيعقد حاليًا جلسات عمل يومية مع صناع العمل، علشان يتم الاتفاق على كل التفاصيل واختيار باقي الممثلين.

ورغم عدم إعلان "حلمي" عن أي تفاصيل تخص مشروعه الجديد، لكن وضحت مصادر إن أحداثه بتدور في إطار كوميدي ساخر، حول قضايا الفساد اللي بتتم تحت ستار الأعمال الخيرية.

الفيلم تأليف هيثم دبور، وإخراج محمد شاكر خضير، ومن المتوقع يشاركه البطولة روبي، نسرين أمين، سيد رجب، عمر عبد الجليل، ولسه جاري التعاقد مع نجوم تانين.

وحشتنا يا حلمي!