طرحت منصة شاهد الإعلان التشويقي لمسلسل "الجسر"، بطولة النجمة نيللى كريم وعمرو سعد، والمقرر عرضه على منصتها الإلكترونية، ضمن مسلسلاتها الأخيرة الناجحة. يالا نتعرف على المسلسل أكتر.

1- بداية من النهارده 18 يناير، هتلاقوا أول الحلقة من "الجسر" على منصة شاهد.

2- المسلسل بينتمى لنوعية المسلسلات الـ 6 حلقات بس.

3- أحداث العمل بتدور في إطار خيال علمي بيسيطر عليه الغموض والتشويق، بنشوف شكل الحياة بعد 70 سنة من نهاية العالم، الحروب قضت على معظم مظاهر الحياة، فالناس اضطرت تعيش في تجمعات صغيرة بيحكمها أشخاص ماعندهومش رحمة، بيفرضوا قوانين صعبة وغريبة. نقدر نقول عالم ما يشبهش اللي إحنا عايشين فيه دلوقتي. مافيش مكان فيه للضعيف فلازم تكون قوي وتوصل لـ"الجسر".

4- بتجسد نيللي كريم شخصية اسمها "دليلة" زعيمة مستعمرة ديكتاتورية، كل يوم بتفرض قوانين على أهل المستعمرة، مبنية على مبادئ وضعها والدها، شايفة نفسها دائمًا على حق، وهدفها حماية الناس في المستعمرة.

5- عمرو سعد بيقوم بدور "نوح"، بيحاول يحمي ابنه "ناجي" ويحافظ على حياته، فبياخده في رحلة مليانة بالمخاطر علشان يوصل بيه للمكان الوحيد اللي بيعتقد أنه آمن عليه وعلى مستقبله -مع أنه ما زرهوش قبل كده- وهو "الجسر".

6- بيشارك في بطولة العمل مجموعة من الفنانين منهم: محمد علاء، أسماء أبو اليزيد، سارة الشامي، ونجوم أكتر.

7- سيناريو وحوار محمد سليمان عبد الملك، من قصة وإخراج بيتر ميمي، وإنتاج شركة "S productions".