في وسط زحمة فيديوهات الأطفال اللي كلها بالإنجليزي أو لهجات تانية، ظهرت قناة "ستوتة" على يوتيوب، وتعتبر أول قناة بتكلم الأطفال بالمصري وبس! أوي يعني بالعامية.
بدأت القناة تبث محتواها من حوالي شهر، وبتقدم محتوى ترفيهي وتعليمي للأطفال بشكل آمن وبسيط، وبلسان مصري أصيل.
مين صاحب فكرة القناة؟
اللي أسستها اسمها عُلا العدلي، وهي أم كمان، واشتغلت على الفكرة دي مع فريقها عشان الأطفال يلاقوا محتوى يخصهم ويشبههم ويكلمهم بلغتهم من غير عنف ولا دوشة.
ليه "ستوتة" مختلفة؟
- القناة بتعلم الأطفال الحروف، الأرقام، العادات المصرية، وكل ده من خلال شخصيات كرتونية مصرية.
- بيستخدموا ألوان مريحة وهادية، مش بتشتت الطفل زي فيديوهات تانية كتير.
- بيركزوا على إن الطفل يتعلم ويلعب، مش بس يتفرج ويسرح.
"خلي وقت الشاشات مفيد"
شعار القناة وبيعني إنه بدل ما ابنك يتفرج على حاجة ملهاش لازمة، خليه يتفرج على حاجة تنفعه وتعلمه وتفرحه في نفس الوقت.
تقدوا اشتركوا في القناة من هنا.
