واضح إن رمضان 2027 هيكون مختلف شوية، خصوصاً لمحبي الكوميديا، لأن الثلاثي اللي الجمهور اتعود يشوفهم مع بعض، أحمد فهمي وهشام ماجد وشيكو، قرروا يدخلوا المنافسة السنة دي، بس المفاجأة إن كل واحد فيهم هيكون بطل مسلسل لوحده!

تعالوا نشوف هيقدمولنا إيه في رمضان 2027.

أحمد فهمي- "نجم الموسم"

أحمد فهمي راجع للمنافسة الرمضانية بمسلسل كوميدي، وبيشاركه البطولة: ياسمين رئيس وأحمد رمزي، وجاري التعاقد مع باقي الفنانين.

المسلسل مكون من 15 حلقة، من تأليف ضياء محمد، وإخراج حسين المنباوي، وإنتاج شركة سينرجي.

هشام ماجد- "17 متر"

رحلة بحث عن كنز موجود داخل أحد المراكز الثقافية، وبتجمع الرحلة مجموعة من الأبطال اللي بيتعرضوا لمواقف ومفارقات كوميدية خلال محاولاتهم للوصول للكنز.

المسلسل مكون من 15 حلقة، وبيشارك في بطولته: محمد عبد الرحمن "توتا" وهنادي مهنا، تأليف مصطفى صقر ومحمد عز الدين، وإخراج كريم الشناوي.

شيكو داخل- "مصلحة الجوازات"

"مصلحة الجوازات" هو اسم مؤقت للعمل، اللي بيجمع شيكو ونسرين أمين، كمان لحد دلوقتي مفيش تفاصيل عن قصة المسلسل أو طبيعة الشخصيات والأحداث.

المسلسل مكون من 15 حلقة، ومن تأليف أمين جمال، إخراج حسام علي، وإنتاج حسين عسيري.