افتكاسات الأكل مبتخلصش، كل يوم والتاني نسمع عن مطاعم بتعمل أكلات عجيبة، والمرة دي قرر شيف تركي اسمه "محمد إكرام"، يدخل موسوعة جينيس للأرقام القياسية بـ ساندويتش شاورما.
فجمع فريق بيتكون من 6 أشخاص، شغالين معاه في المطعم الخاص بيه، وعملوا أكبر ساندويتش شاورما هتشوفه في حياتك، طوله وصل لـ 20 متر!
والغريب إن الساندويتش مخدش منهم وقت خالص، يدوبك 20 دقيقة بس، وبعد كده قدمه للزباين علشان الكل ياكل ويتبسط.
أحلى شيف ده يا جماعة ولا إيه؟
