المنافسة على شباك تذاكر صيف 2023، لسه مستمر، بعد طرح 3 أفلام خلال الأيام القليلة اللي فاتت، وهي: "ع الزيرو، مرعي البريمو، مطرح مطروح"، أغسطس داخل علينا بـ 6 أفلام جديدة، بتتنوع في أحداثها بين الكوميدي والاجتماعي والأكشن.
في "كلام القاهرة" جمعنالكم قائمة الأفلام المقرر طرحها خلال الفترة الجاية في السينمات.
البطة الصفرا
دكتور جامعي منغلق على نفسه، بيتورط في قضية سرقة وبالتعاون مع عصابة "البطة الصفرا"، بطولة محمد عبد الرحمن، غادة عادل، محمود حافظ، فرح الزاهد، إبرام سمير، حسن أبو الروس، بالإضافة لعدد من ضيوف الشرف منهم: صلاح عبد الله، سامي مغاوري، عمرو رمزي، يارا عزمي، وهو قصة وسيناريو وحوار محمود عزت، وإخراج عصام نصار.
من المقرر طرحه 8 أغسطس.
وش في وش
5 جولات
يعتبر أول فيلم في مصر والشرق الأوسط يتكلم عن رياضة "MMA"، أحداثه بتدور حول رحلة شاب في ملحمة بطولية مليانة بالتحديات، وكمان بيكشفلنا تفاصيل عالم "الراب باتلز" والصعوبات التي تواجه الشباب دي، الفيلم من بطولة ماجد المصري، آدم شرقاوي، نور النبوي، عايدة الأيوبي، داليا شوقي، الراحل مصطفى درويش، مطرب الراب أرسينك، سيناريو وحوار محمد عبدالمعطي، قصة يحيى علام ومازن أشرف، وإخراج مازن أشرف.
من المقرر طرحه يوم 16 أغسطس.
العميل صفر
فرد أمن بيحلم يكون بطل زي جيمس بوند بأقل الإمكانيات، لكن ياترى هينجح؟ ده اللي هتكشفه الأحداث، الفيلم بطولة أكرم حسني، بيومي فؤاد، أسماء أبواليزيد، مصطفى غريب، منذر رياحنة، السعودية فاطمة البنوي، فيدرا، ونجوم أكتر. الفيلم فكرة محمد سامي، سيناريو وحوار وائل عبد الله، ومن إنتاج لؤي عبدالله، وإخراج كريم العدل.
من المقرر طرحه بدور العرض السينمائي في مصر يوم 16 أغسطس الجاري.
مندوب مبيعات
قصة الفيلم بتدور حوالين مشاكل زوجية بتدفع "بيومي" للسفر والعمل بالإمارات، وهناك بينتحل شخصية مندوب مبيعات، فا بيمر بمشاكل كتير بتقف في طريق تحقيق حلمه.
بيشارك في بطولة الفيلم عدد من الفنانين منهم، بيومي فؤاد، أحمد فتحي، إسلام إبراهيم، آيتن عامر ، ومن الإمارات: وائل العوني، هبة عبد العزيز أيمن قنديل، يسرى المسعودي، إيمان يوسف، ولمياء كرم. الفيلم تم تصويره بالكامل في إمارة دبي، من إنتاج وإخراج حامد صالح.
من المقرر طرحه في دور العرض المصرية والعربية يوم 17 أغسطس.
قصة الفيلم بتدور حول" حسن" حارس أمن، بيعيش حياة بسيطة، ومن أحلامه يسافر للخارج، فا بيتظاهر أنه ضعيف البصر، علشان ينضم لفريق كرة القدم للمكفوفين، اللي هيشارك في بطولة العالم بأوروبا، بس ياترى خدعته هتنجح؟ ده اللي هتكشفه الأحداث.
بيشارك في بطولة الفيلم عدد من الفنانين، منهم، نيللي كريم، بيومي فؤاد، حجاج عبد العظيم، حنان يوسف، طه دسوقي، من تأليف وإخراج عمر هلال.
من المقرر طرحه يوم 23 في مصر ودول الخليج والوطن العربى يوم 24 أغسطس الجاري.
