موسم أفلام عيد الأضحى 2026 داخل بقوة السنة دي، مع منافسة كبيرة أفلام اللي بتجمع بين الأكشن والكوميديا والدراما، هتكسر شباك التذاكر، جمعنالكم الأفلام اللي من المقرر عرضها بشكل رسمي خلال أيام عيد الأضحى في السينمات، يالا نعرفهم.
"Dogs 7"
قصة الفيلم بتدور حول خالد العزازي، ظابط إنتربول، بيقبض على غالي أبو داود تاجر مخدرات، وبيسافروا في مهمة مشتركة لمكافحة تجارة المخدرات. ومن بطولة كريم عبدالعزيز وأحمد عز، وتأليف قصة مستشار هيئة الترفيه تركي آل الشيخ بالتعاون مع فريق Big Time Creative، سيناريو وحوار الكاتب محمد الدباح، وإخراج الثنائي بلال العربي وعادل فلاح.
"أسد"
أحداثه بتدور في مصر خلال القرن الـ19، حوالين عبد متمرد، بيعمل ثورة حقيقية ضد أسياده، لتغيير مصير العبودية وقتها. بيشارك في بطولة الفيلم: محمد رمضان، رزان جمال، على قاسم، كامل الباشا، إسلام مبارك، وظهور خاص لكل من ماجد الكدواني وأحمد داش، من إخراج محمد دياب، تأليف شيرين دياب، محمد دياب، وخالد دياب.
"الكلام على إيه"
4 حكايات مختلفة لأزواج من أعمار وخلفيات متنوعة، بيتجمعوا كلهم في ليلة الفرح، لكن الليلة اللي المفروض تبقى سعيدة بتتقلب فجأة لمواقف كوميدية وأزمات غير متوقعة، بتختبر علاقتهم ببعض وبتكشف حقيقة كل ثنائي بشكل مختلف.
بطولة: أحمد حاتم، آية سماحة، حاتم صلاح، جيهان الشماشرجي، سيد رجب وانتصار، والعمل من إخراج ساندرو كنعان وتأليف أحمد بدوي.
"إذما"
عيسى، شاب حياته واقفة ومش راضي عن نفسه، لكن كل حاجة بتتغير في عيد ميلاده بعدما توصله هدية غامضة فيها رسائل وألغاز من ماضيه، بتخليه يراجع حياته ويواجه ذكرياته ويحاول يكتشف نفسه من جديد. بطولة: أحمد داود وأحمد داش، أحداث الفيلم مقتبسة من رواية "إذما" تم إصدارها سنة 2020، ومن تأليف الكاتب محمد صادق، وإخراج محمد صادق.
