عبرت الفنانة الإيطالية الشهيرة مونيكا بيلوتشي عن سعادتها بالمشاركة في فيلم "Dogs 7"، بدور "جوليا ليون" أحد الشخصيات الشريرة في الفيلم، كواحدة من العالم السري لمافيا من الكلاب السبعة.

وقالت بيلوتشي لصحيفة "ذا ناشيونال" عن مشاهدها مع أحمد عز وكريم عبدالعزيز: "كان العمل حلو جدًا، عز وعبدالعزيز كانوا لطفاء وكُرماء جدًا معايا"، وأضافت: "حسيت إن بينا كيميا شغل حلوة، كانوا منفتحين ومتعاونين جدًا، وكل الناس كانت رائعة وفي نفس الوقت محترفة جدًا"، وتابعت عن عز: "أحمد عز ممثل عظيم، وحلو لما الموهبة والإنسانية يجتمعوا في شخص واحد".

ولما اتسألت بيلوتشي إذا كانت هتشجع ممثلين عالميين تانيين يشاركوا في أعمال عربية، قالت: "صناعة السينما فعلًا رايحة في الاتجاه ده، الشرق الأوسط بقى فيه إنتاجات كتير وأحداث مهمة بتحصل. دلوقتي لما بنتكلم عن الصناعة، مبقاش الموضوع متعلق بدولة واحدة، لكن بدول بتشتغل مع بعض".