استضاف الإعلامي عمرو أديب في برنامجه "الحكاية"، صناع فيلم "صقر وكناريا" وعلى رأسهم النجم محمد إمام، واللي اتكلم عن والده الزعيم عادل إمام وحاجات أكتر.

وده جزء من اللي قاله في الحلقة:

1- "أنا أعلى أجر في مصر، ده معروف يعني، بس أنا مبحبش أقول (ساخرًا)، لو عادل إمام قرر يعمل فيلم، أعلى أجر فينا مش هيوصل لنص أجر أبويا".

2- محمد صلاح كلمني فيديو كول عن طريق صدق مشترك وقالي: "أنت كنت طالب بطلة صغيرة معاك في الفيلم، كنت عايز أبعتلك مكة بنتي قولتله، ده أنت تشرفنا".

3- "دائما أقول الشعب هو اللي صرف عليا، ودخلني مدرسة وجامعة كويسة، كل ده كان من التذاكر اللي الشعب دفعها".

4-"لو ركزت مع حد مش هعرف اشتغل، أنا بشغل بالي بتطوير نفسي بس".

5- "الحمد لله الشغل نعمة من ربنا، والتمثيل هو أكل عيشنا، وحب الناس حاجة كبيرة جدًا".

6- "والله ولا عامل بوتوكس ولا فيلر ولا حاطط ميكب خالص، أنا بحب أقعد في الشمس مافيش حاجة". (ستوري نزلها بعد الحلقة)