"النوم سلطان" ماحدش فينا يقدر يقاومه ولا يقوله لأ، ومهما قاوحت لازم هييجي الوقت ويفرض سيطرته عليك، علشان يحقق التوازن المطلوب في حياتك، وبمرور الزمن اتغيرت عادات النوم عند بعض الناس، خاصة في الـ 50 سنة الأخيرة، وحصل تآكل في ساعات النوم، وكمان اتقلبت مواعيده، يعني الليل بقى للسهر والنهار بقى الوقت المخصص للنوم! الأمر اللي سبب أضرار صحية ماحدش يتوقعها. حسب دراسة حديثة.

كشفت دراسة في جامعة كاليفورنيا حاجة غريبة شوية، وهي إن فقدان ساعة واحدة بس من النوم والاسترخاء في ساعات الليل، ممكن يقتل رغبة الناس في مساعدة غيرهم، لإنها بتأثر بالسلب على جزء معين في الدماغ، هو المسؤل عن نشاط السلوك الاجتماعي.

ووضحت كمان إن بطريقة ما كده، الرغبة الفطرية الموجودة عند البشر في مساعدة بعضهم، بتقل كل ما ساعات النوم اللي بينامها الفرد قلت، مش بس كده، احتمال كبير إن الشخص ده يتحول مع الوقت لشخص مش اجتماعي وأناني.

لكن أكدت الدراسة، إنه بمجرد ضبط ساعات النوم من تاني، والحصول على نوم هادئ، بترجع تاني رغبة الناس في تكوين روابط  اجتماعية.

ولو ماتعرفش، حابين نقولك إن كل خبراء العالم بينصحوا بالنوم من 6 لـ 8 ساعات متواصلة ليلًا.

وهتلاقي هنا: 8 عادات يومية بتلخبط نومنا من غير ما نحس