في 2024، استقبلت السينما المصرية حوالي 43 فيلم، منهم اللي حققوا نجاحات ضخمة على كل المستويات، ومنهم اللي اختفوا بسرعة ومفيش ناس كتير لحظتهم أو اتحمسوا يتفرجوا عليهم، وده خلاهم يتسحبوا من السينما بسرعة بسبب ضعف الإيرادات. ورغم إن الأفلام دي كانت بتعتمد على نجوم كبار أو إنتاج ضخم، لكن في النهاية مقدرتش تثبت نفسها قدام أفلام تانية.
ومن الأفلام اللي تم سحبها كان:
"دراكو رع":
بدأ عرض الفيلم بتذكرتين بس في أول أيام عرضه، وحقق إجمالي إيرادات 294 ألف جنيه، وبعد أقل من 4 أسابيع تم سحبه من دور العرض. الفيلم من بطولة خالد منصور، شادي ألفونس، مروان يونس وغيرهم.
"ليه تعيشها لوحدك":
حقق إيرادات 578 ألف جنيه وتم سحبه بعد 4 أسابيع من عرضه. من بطولة خالد الصاوي، شريف منير، سلمى أبو ضيف، خالد عليش وغيرهم.
"ليلة العيد":
بعد 3 أسابيع من طرحه، تم سحب الفيلم بسبب قلة الإيرادات اللي وصلت لـ 330 ألف جنيه. ضم الفيلم عدد كبير من الفنانين زي: يسرا، ريهام عبد الغفور، عبير صبري، سميحة أيوب، سيد رجب، يسرا اللوزي وغيرهم.
"الملكة":
استلهم من شخصية هالة صدقي في مسلسل "جعفر العمدة"، وحقق إيرادات 456 ألف جنيه، وتم سحبه بعد 15 يوم بس من عرضه.
"درويلة":
حقق إيرادات 581 ألف جنيه وتم سحبه بعد 16 يوم من عرضه. بطولة عمرو عبد الجليل، آيتن عامر، محمود عبد المغني، محمد علي رزق.
"تاني تاني":
بعد 3 أسابيع من عرضه، تم سحب الفيلم لأنه ما حققش إيرادات جيدة وصلت لـ 585 ألف جنيه بس. من بطولة أحمد آدم، غادة عبد الرازق، وبيومي فؤاد.
