في ظل الأزمة اللي بيمر بيها العالم كله والمتعلقة بارتفاع استهلاك الطاقة بكل أشكالها ومنها الكهرباء، مهم نكون عارفين إن في أجهزة كتير حوالينا بتسحب كهرباء حتى وهي مقفولة! وبتسبب استهلاك غير ملحوظ وطاقة مهدرة، حوالي 10% من استهلاكنا من غير ما ناخذ بالنا.

عشان كده، معرفة الأجهزة دي والتعامل معاها بوعي بقى خطوة أساسية لتقليل الاستهلاك وترشيد النفقات بشكل فعال.

شواحن الموبايل واللاب: طول ما هي في الفيشة حتى من غير جهاز، بتسحب كهرباء على الفاضي.

الريسيفر: بيفضل شغال عشان الساعة أو وضع الاستعداد، فبيسحب كهربا طول الوقت.

التليفزيون والشاشات: اللمبة الحمرا الصغيرة دي معناها إنه لسه بيستهلك كهرباء.

الميكروويف وماكينات القهوة: وجود ساعة أو شاشة عرض بيخليها شغالة دايمًا.

أجهزة الجيمنج (بلايستيشن / إكس بوكس): بتفضل على الاستعداد عشان التحديثات، وده بيستهلك كهرباء.

الراوتر: شغال 24 ساعة حتى لو مفيش استخدام، فطبيعي يسحب كهرباء باستمرار.

الكمبيوتر المكتبي: وضع الـ Sleep أو حتى الإغلاق من غير فصل الفيشة بيخليه لسه بيسحب كهربا.