حسمت وزيرة الثقافة جيهان زكي الجدل اللي انتشر مؤخرًا بخصوص تغيير رئاسة مهرجان القاهرة السينمائي الدولي، وتولي خالد النبوي المهمة بدلًا من الرئيس الحالي.

الوزيرة أكدت كمان إن كل اللي بيتقال في الموضوع ده "غير صحيح تمامًا"، ووصفت الأخبار المتداولة إنها مجرد شائعات ملهاش أي أساس، وقالت إن الفنان الكبير حسين فهمي مستمر في منصبه كرئيس للمهرجان بدون أي تغيير.

مش بس كده، قالت إن "فهمي" بيجهز خلال الفترة الحالية للسفر لحضور فعاليات مهرجان كان السينمائي، في إطار التحضير والتنسيق للدورة الجاية من مهرجان القاهرة السينمائي.

وكان حسين فهمي تولى رئاسة المهرجان سنة 2022، ومستمر في رئاسته لحد النهارده، وسط استعدادات مكثفة للدورة الجديدة.