الفنان خالد الصاوي بيحتفل النهاردة بعيد ميلاده الـ 56. وبما إنه حالة فنية مختلفة وفي حتة لوحده، حبينا إحنا كمان نحتفل باليوم ده. وقولنا نجمع لكم 5 أسباب بيخلونا نحبه لأبعد الحدود:
1- فنان متميز وأدواره مميزة
بشهادة النقاد والمشاهدين، خالد الصاوي بيعرف يلبس الشخصية اللي بيقدمها كويس، ويتمكن من أبعادها. أدائه بيكون مبهر. ومابيهتمش بدور البطولة قد ما بيهم بوزن الدور نفسه. وإزاي يلعب دور يسيب أثر.
2- كوميديان السوشيال ميديا
غير الكاريزما كممثل، هو دهمه خفيف على المستوى الشخصي. خفة دمه وتلقائيته على السوشيال ميديا، لها قبول عند قطاع كبير من الجمهور.
View this post on Instagram" أردت الاقلاع عن التدخين ، فأشعلت سيجاره و بدأت افكر في الأمر" الجوكر خالد الصاوي
3- نجم الميمز
إفيهات وقفشات خالد الصاوي في أعماله بقت مادة خام للكوميكس والميمز. تعبيرات وشه المختلفة، غرقت السوشيال على الكوميكس. والضحك على صوره مابينتهيش.
4- علاقته بعيلته
من الحاجات الجميلة في شخصية خالد الصاوي، علاقته بعيلته. دايمًا بيشارك جمهورة بلحظات مميزه مع أسرته، بتكون كلها ضحك وخفة دم.
5- بيحب الكلاب
سبب كافي يخليك تحب خالد الصاوي. علاقته بالحيوانات تبين قد إيه هو إنسان قلبه طيب. وقال خلال لقاء في واحد من البرامج، إنه بيربي كلاب بلدي عادي "أصله مصري وأنا مصري".
كل سنة وانت طيب يا أبو قلب طيب.
