بعد فترة من الصمت، أعلن مطرب المهرجانات حسن شاكوش، عن نيته في عدم الحديث عن أزمته مع زوجته مرة تانية، سواء على السوشيل ميديا أو وسائل الإعلام.

وقال شاكوش في لقاء تلفزيوني: "أي حاجة شخصية مش هينفع أتكلم فيها، لإن لو اتكلمت هتكلم على عرضي ودي حاجة شخصية بيني وبين بيتي".

حسن برر أسباب الأزمة وقال: "اللي حصل معانا حسد، لأن الفرح بتاعي أكيد لازم يتحسد، ده انت نفسك ممكن تحسد نفسك، وأكيد فرحي اتحسد وكلنا اتحسدنا والحمد لله على كل شيء".

وعن الشات المسرب مع زوجته، واللي كان مسار سخرية على السوشيل ميديا قال: "أنا متضايقتش واتبسطت، ولما الناس خدت الموضوع بشكل كوميدي، هزرت معاهم مش أكتر".

الأزمة بدأت بين شاكوش وريم طارق بعد أيام قليلة من زواجهم، بعد ما تقدمت زوجته بلاغ لقسم شرطة أول أكتوبر، اتهمت فيه شاكوش بطردها من بيت الزوجية، واستيلائه على أموالها وسرقة ذهبها، وتهديدها بالطلاق. (حسب كلامها في محضر الشرطة)