وأنت ماشي في شوارع الزمالك، وسط البلد، كورنيش النيل، مصر الجديدة، وأماكن تانية.. أكيد قابلت شباب وبنات في أعمار مختلفة، بيلعبوا "باتيناج أو سكيتنج"، رياضة لذيذة في الأول تبان صعبة، بس تأثيرها عليك يخليك لازم تدخلها حياتك.
فلو عندك شغف تطير زيهم، ومش عارف تعمل إيه؟ إحنا هنقولك على 3 أماكن هتعلمك إزاي تـ سكيتنج صح في القاهرة:
Horizon Skate
مش مهم عندك كام سنة، ومتشلش هم الـ "سكيت بورد ولا الرولر سكيت" كمان، ولو أنت متابع حريفة الـ"سكيتنج" على السوشيال ميديا، فالمكان ده بتتدرب فيه "توءة مجدي".
تقدر تتواصل معاهم على إنستجرام من هنا.
Cairo skate academy
عندهم 3 فروع، هتلاقوهم في "وسط البلد، العباسية، التجمع الخامس"، كمان طول الوقت بيعلموا عروض وخصومات للأخوات والصحاب.
تقدر تتواصل معاهم على إنستجرام من هنا.
Futures Skating
المميز هناك مش بس هتتعلم "باتيناج" مع مدربين محترفين، أنت كمان مؤهل تشارك في بطولات ومسابقات رسمية تابعة لـ "الاتحاد المصري لألعاب الانزلاق"، ده غير إنهم بيوفروا كل أدوات الحماية والأمان.
تقدر تتواصل معاهم على فيسبوك من هنا.
