حالة من الانزعاج سيطرت على عدد من لاعيبة كرة القدم وجماهير منتخب مصر، بعد ظهور "البودي جاردات" الخاصة باللاعب المصري العالمي محمد صلاح بجانبه معظم الوقت خلال مباراة "مصر والجابون".
ويمكن أكثر لقطة استفزت الجمهور واجمعوا عليها على مواقع التواصل الاحتماعي، هي لحظة ظهور "البودي جاردات" مع "صلاح" لما نزل لأرض الملعب علشان يقوم بتمرينات الإحماء المعروفة قبل بداية الماتش وتواجدهم خلف مقاعد بدلاء المنتخب، بالإضافة لظهورهم بعد نهاية الماتش مع "فخر العرب" لحد ما مشي من أرضية الملعب، بحسب تعبير كتير من المستخدمين.
والسر وراء ظهور "البودي جاردات" مع "صلاح" دايمًا خلال الفترة الأخيرة، كشفه وائل جمعة، مدير منتخب مصر، إنه جه بناء على قرار سابق من اتحاد الكرة، ومش طلب اللاعب خالص.
ووضح، إن الأمر كله يعتبر إجراء تنظيمي مش أكتر. علشان ما يحصلش تزاحم على نجم ليفربول لالتقاط الصور معاه قبل وبعد المباريات.
