لأول مرة في تاريخها، أطلقت شركة  "أديداس" للملابس الرياضية، حذاء عليه توقيع قائد منتخب مصر محمد صلاح، قبل انطلاق بطولة كأس الأمم الأفريقية 2021 بالكاميرون.

تصميم الحذاء جه بشكل مميز وخاص جدًا، ألوانه "أبيض - ذهبي معدني - نبيتي"،  كلمة "MO" مكتوبة على الفردة الشمال أما اليمين مرسوم عليها تاج الملك. الرسمتين باللون الذهبي.

هيتم بيع عدد 1069 زوج من الحذاء بس في جميع أنحاء العالم، وده لأن 69 هو الرقم اللي محتاجه "صلاح" علشان يكون الهداف التاريخي لمنتخب مصر.

سعر لحذاء وصل لـ  220 جنيه استرليني، يعني حوالي  4700 جنيه مصري.